প্ৰতিটো এম এম ইউ গঠিত হয় ২ (দুই) খন গাড়ীৰে। প্ৰথম খনত ও পি ডি পৰীক্ষাগাৰৰ সা-সুবিধা, আই ই চি সা-মগ্ৰী আৰু দ্বিতায়খন ব্যৱহাৰ কৰা হয় এম এম ইউৰ দলটো পৰিবহন কৰাৰ বাবে।
প্ৰতিটো এম এম ইউত থাকে এজন মেডিকেল বিষয়া, এজন এ এন এম, এজন ফাৰ্মাছিষ্ট, পৰীক্ষাগাৰৰ কাৰিকৰ, এজন নেত্ৰ বিশেষজ্ঞ, দুজন চালক আৰু এজন হেণ্ডিমেন।
প্ৰথম পৰ্য্যায়ত, ৩২০ খন চাহ বাগিছা বাছনি কৰা হৈছিল আঁচনিখন কাৰ্য্যকৰী কৰাৰ বাবে ৮০ খন এম এম ইউৰ জৰিয়তে য`ত প্ৰতিখন এম এম ইউয়ে প্ৰতি মাহত ৪ (চাৰি)খনকৈ বাগিছা সামৰি ল`ব পাৰে।
পৰৱৰ্তি পৰ্য্যায়ত এই আঁচনিৰ অধীনত আৰু বেছি চাহ বাগিছা সামৰি ল`ব পৰা হ`ব। একেলগে থকা ৪-৫ খন চাহ বাগিছাৰ জনসংখ্যাৰ ওপৰত নিৰ্ভৰ কৰি এটা গোট গঠন কৰা হয় আৰু প্ৰতিটো থুপ বা গোটৰ মাজত এখন এম এম ইউক নিযুক্ত কৰা হৈছে।
এম এম ইউৰ উদ্দেশ্য হ`ল সৰ্বাত্মক প্ৰাথমিক স্বাস্থ্যযত্নৰ যোগান ধৰা যি মানসিক স্বাস্থ্য, শিশু স্বাস্থ্য, কিশোৰৰ স্বাস্থ্য আৰু পৰিয়াল পৰিকল্পনাৰে গঠিত। সংক্ৰমিত ৰোগ যেনে, মেলেৰীয়া, জে ই, টি বি, যক্ষ্মা ইত্যাদি আৰু অসংক্ৰমিত ৰোগবোৰ যেনে, উচ্চৰক্তচাপ, মধুমেহ আৰু অন্ধত্ব নিয়ন্ত্ৰণ আদিও সামৰি লোৱা হ`ব।
